С.Энхболд: Үнэхээр буруутай үйлдэл байвал би хариуцлага хүлээхэд бэлэн

2022 оны арванхоёрдугаар сарын 31-нд Өргөө амаржих газарт амаржихаар очсон эмэгтэй "хаалга андуурсан" гэх шалтгаанаас үүдэж машиндаа амаржсан. Уг асуудалд олон нийт төрөх эмнэлгийн хүнд суртлийг шүүмжилж буй.

Уг асуудлын хүрээнд Эрүүл мэндийн сайд С.Энхболдоос сэтгүүлчид тодруулжээ.

Эрүүл мэндийн сайд С.Энхболд: "Хэрвээ үнэхээр буруутай үйлдэл байвал би хариуцлага хүлээхэд бэлэн байна. Гэхдээ энэ асуудлыг ЗГ шийднэ. Машиндаа амаржсан эх болон нөхрөөс нь уучлалт хүсэж байна. Учир нь тэр эмэгтэйн нөхрийг орж ирэхэд манай эх баригчийн харьцсан хандлагад асуудал бий. Уг асуудалд бол хариуцлага тооцно, гэхдээ ажлаас халахгүй. Ёс зүйн хариуцлага тооцно. Эмэгтэйг төрүүлсний дараа эмнэлэгт авч тусламж, үйлчилгээ үзүүлж байна. Одоогоор эх хүүхдийн эрүүл мэндийн байдал хэвийн байгаа ч хүүхэд жингийн дутагдалтай байгаа гэсэн. Манай эрүүл мэндийн байгууллагад харилцааны асуудал байгаа. Жишээ нь эмч нөхрийг нь бичиг баримтаа авч ир гэж уурласан байсан. Үүнийг цаашид засаад явна. Ганц хүний гаргасан үйлдлээр салбараар нь шүүмжилж байгаа нь буруу ойлголт. Хичнээн эх баригч ааштай ч гэсэн бээлийгээ өмсөөд үзүүлэх тусламж үйлчилгээгээ цаг тухайд нь үзүүлж чадсан байна. Нөхөр нь эхнэрээ дагуулаад орсон бол шууд л тусламж үйлчилгээгээ үзүүлнэ.