ХХҮЕГ: 73.2 мянган хүний цалин 550,000 төгрөг болон нэмэгдэж байна

Хөдөлмөр, нийгмийн түншлэлийн гурван талт Үндэсний хорооны шийдвэрээр хөдөлмөрийн хөлсний доод хэмжээг 550,000 төгрөгөөр тогтоосон. Уг шийдвэр өчигдрөөс /2023.01.01/ хэрэгжиж эхэллээ. Ингэснээр ажлын нэг цагийн хөлс 3,273 төгрөг 81 мөнгө болж байна. 

Инйхүү 73.2 мянган хүний цалин 550,000 төгрөг болон нэмэгдэж байна. Энэ нь нийгмийн даатгалын шимтгэл төлөгчдийн 9.7 хувь юм.

Өнгөрсөн 2022 онд хөдөлмөрийн хөлсний доод хэмжээ 420,000 төгрөг байсан бөгөөд шинэ он гарснаар 130,000 төгрөгөөр нэмэгдэж байна.

Нийгмийн даатгалын шимтгэл төлөгч 66.2 мянган иргэн гурван саяас дээш төгрөгийн цалинтай байгааг ҮСХ-ноос мэдээлсэн билээ.

Эх сурвалж: Хөдөлмөр, Халамжийн Үйлчилгээний Ерөнхий Газар