Цар тахлын хуулийн үйлчлэл дуусгавар боллоо

Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах хүрээнд Цар тахлын хуулийг 2020 оны дөрөвдүгээр сарын 29-ны өдөрбаталж, улмаар хэдэнтээ сунгасан. Тэгвэл энэхүү хуулийн үйлчлэл өнөөдөр буюу 2022 оны арванхоёрдугаар сарын 31-ний өдрөөр дуусгавар болж байна. 

Өнгөрсөн хугацаанд энэхүү хуулийг тойрсон шүүмжлэл олонтоо гарсан. Уг нь Цар тахлын тухай хуулийг анх зургаан сарын хугацаанд үйлчлэх зохицуулалттай оруулж ирсэн ч эрх баригчид тав дахь удаагаа сунгаж,  уг   хуулиар халхавчилж Төрийн албаны тухай хууль тогтоомжийг зөрчиж, төрийн албан  тушаалд 1052 хүнийг хууль бусаар томилсон байдаг. 

Түүнчлэн Цар тахлын хуулийн заалт УИХ-ын онцгой эрхэд халдаж, ЗГ-т төсвийн хэт их эрх мэдэл өгсөн  гэдгийг тухайн үед УИХ-ын зарим гишүүн шүүмжилж байв.