Таван настай Г.Хүслэн "2022 ОНЫ ОНЦЛОХ ХҮҮХЭД" боллоо

Арабын нэгдсэн Эмират улсад зохиогдсон “Fashion Week - VFW” загварын шоунд улсаа төлөөлөн оролцож байсан таван настай Г.Хүслэн “2022 ОНЫ ОНЦЛОХ ХҮҮХЭД” боллоо. 

Г.Хүслэн нь үндэсний өв, уламжлалаа дээдлэн, байгаль эх дэлхийгээ хайрлаж, хүмүүнлэг энэрэнгүй сайн үйлс бүтээж, өөрийн оюун ухаан, хөдөлмөр, авьяас чадвараа дайчлан, үе тэнгийхнээ манлайлж, сурлага, урлаг, спортоор гаргасан амжилт, бүтээлийг нь ийнхүү үнэлж  “2022 ОНЫ ОНЦЛОХ ХҮҮХЭД”-ээр батламжлав.

Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн Л.Оюун-Эрдэнэ 2022 оны шилдэг хүүхдүүдэд батламж, гарын бэлэг гардуулах үеэр тэрбээр хүүхдүүдийн хичээл зүтгэл, авьяас билиг, эр зоригоор бахархаж буйгаа илэрхийлээд хүсэл мөрөөдлийнхөө эзэн болж, илүү их амжилт гаргахыг ерөөсөн юм.