Д.Амарбаясгалан: "Эрдэнэс Монгол" компанийн ажилтнууд сард 2-12 сая төгрөгөөр цалинжина

"Эрдэнэс Монгол" ХХК-ийн нээлттэй сонгон шалгаруулалтын талаар ЗГХЭГ-ын дарга Д.Амарбаясгалан мэдээлэл хийлээ. 

 ЗГХЭГ-ын дарга Д.Амарбаясгалан Ерөнхий сайдын зүгээс төрийн захиргааны түвшинд хариуцлагын тогтолцоог бодитой бий болгох хариуцлага эзэнтэй байх чиглэлд тодорхой үүрэг чиглэлийг өгсөн. Энэ хүрээнд ЗГХЭГ-ын дэргэд Засгийн газрын дотоод Хяналтын хэрэгжүүлдэг газар байгуулагдаж ирэх сарын нээс үйл ажиллагаагаа явуулахаар болсон. Энэ газар албан хаагчдын хариуцлага, ёс зүйд анхаарлаа тавьж, иргэн төр хоёрын ойлголцлыг бий болгох зорилгыг хэрэгжүүлж ажиллана. Жилдээ төрд хаягласан 1,1 сая өргөдөл, санал хүсэлт ирдэг. 2023 оноос эхлэн эдгээр санал, хүсэлт, гомдлыг хэрхэн шийдвэрлэсэн бэ гэдэгт үнэлэлт, дүгнэлт  өгч ажилладаг болно.  Мөн Төрийн өмчит үйлдвэрийн газруудыг үйл ажиллагааг сайжруулах хүрээнд олон нийтийн хяналтад шилжүүлнэ. 

Энэ оны дөрөвдүгээр сард 16 дугаар тогтоол батлагдсан. Энэ тогтоолын дагуу Төрийн өмчийн хуулийн этгээдийн хувьцааг 2022, 2023 онд Биржээр худалдахтай холбоотой. Нийт 26 ТӨК-иудын 34 хувийг эхний ээлжид олон нийтийн хараа хяналтад шилжүүлэх шийдвэр гарсан. 

• “Монголын хөрөнгийн бирж” ТӨХК;

• Төрийн банк,

• “Монголын цахилгаан холбоо” ХК;

• “Үндэсний давхар даатгал” ХК

• "Мэдээлэл, технологийн үндэсний парк" ТӨҮГ
  

• Мэдээлэл, холбооны сүлжээ ТӨХК

• Авто зам засвар, арчлалтын АЗЗА буюу 20 аймагт үйл ажиллагаа явуулдаг нийт 26 ТӨК-ийн 34 хүртэлх хувийг олон нийтийн хараа хяналтад шилжүүлнэ. 

Энэ дагуу Төрийн банкны 20 хүртэлх хувийг хувьцаа хяналтад өгөх үйл ажиллагаа амжилттай зохион байгуулсан. Мөн энэ долоо хоногт Монголын хөрөнгийн биржийн 34 хувийг олон нийтийн хяналтад шилжүүлэх үйл ажиллагаа эхэлсэн, амжилттай явагдаж байна. Иргэд, ААН-үүд идэвхтэй оролцож байна. Үндсэндээ Хөрөнгийн бирж 30 гаруй жилийн дараа олон нийтийн болж байна.

 Эрдэнэс Монгол ХХК баялгын санг бий болгож, нийгмийн салбарыг хөгжүүлэх чиглэлд  15 жилийн өмнө байгуулагдсан. Цаашид Эрдэнэс Монгол ХХК цаашид олон улсын зах зээлд Монгол Улсыг төлөөлөх томоохон зорилго тавьсан. Дотооддоо өөрийн харъяа компаниудын засаглал, менежментийг сайжруулж, бодлогыг тодорхой болгож, ашигтай ажиллах боломж нөхцлийг бүрдүүлэх цаашлаад  олон нийтийн хараа хяналтад шилжүүлэх ажлыг удирдан зохион байгуулах үүрэгтэй. 

 Ерөнхий сайдын үүрэг чиглэлийн дагуу "Эрдэнэс Монгол"  ХХК-ийг 

• Нэгдүгээрт, менежментийн компани болгон өөрчлөх

• Хоёрдугаарт, өөрчлөгдсөн бүтэц дээр 88 ажлын байран дээр нээлттэй  сонгон шалгаруулалт зарлаж байна. 

• 88 ажлын байр дараах хэлтсээр дамжин бий болно. 
  

1. Нэгдсэн стратеги бизнес хөгжлийн газар 

2. Үйлдвэр, технолгийн газар

3. Санхүүгийн нэгдсэн удирдлагын газар

4. Дотоод хяналт эрсдлийн удирдлагын газар 

5. Төслийн судалгаа, үнэлгээний газар 

6. Хууль эрх зүйн газар 

7. Захиргаа удирдлагын газар гэсэн долоон газар байна. Мөн долоон хэлтэстэй үйл ажиллагаа явуулна. Эдгээр ажлын байран дээр нийт 88 хүнийг сонгон шалгаруулж авна.

 Шинэ бүтцийн өөрчлөлтөөр үйл ажиллагааны удирдлагыг “дарга” бус ахлах менежер хэрэгжүүлэхээр болж байна. Тус компанийн долоон газрыг долоон ахлах менежер удирдана. 

• Ахлах менежер 9-12 сая төгрөгийн 

• Менежер 6,5-8,5 сая төгрөгийн 

• Ахлах мэргэжилтэн 4-6 сая төгрөгийн 

• Мэргэжилтэн 2-4 сая төгрөгийн цалинтай байх ТУЗ-ийн шийдвэр гарлаа.