ЦЕГ: Нүцгэлж тэмцсэн иргэдийг Дэнжийн мянгад байрлах саатуулах байранд эрүүл мэндийн үзлэгт оруулж байна

ЦЕГ-ын Хэвлэл мэдээллийн төвийн дарга Г.Мөнхбаяр: "Нийслэлийн Эрүүл мэндийн газраас Төрийн ордны баруун хаалганы гадна жагсагчид нүцэглэж осголтын зэрэг тогтоогдож, цаашлаад амь нас, эрүүл мэндэд нь ноцтой хохирол үүсэх эрсдэл гарсантай холбогдуулан цагдаагийн байгууллагаас дэмжлэг үзүүлж хамтран ажиллахыг хүссэн тул цагдаагийн байгууллагаас дээрх иргэдийг эрүүл мэндийн байгууллагын автомашинд суулгасан. Мөн Нийслэлийн эрүүл мэндийн газраас дээрх 30 иргэнд эрүүл мэндийн тусламж, үйлчилгээг үзүүлэхийн зэрэгцээ Хууль зүйн туслалцааны төв, Шүүхийн шинжилгээний хүрээлэнгийн шинжээч эмч нар хамтран иргэдийн биед үзлэг хийж байна. Мөн Дэнжийн мянгад байрлах саатуулах байранд саатуулаад байгаа гэдэг нь ташаа. Эрүүл мэндийн байгууллагаас үзлэг хийх байр гаргаж өгөөч гэх хүсэлт тавьсны дагуу Дэнжийн мянгад байрлах саатуулах байрыг ашиглан эрүүл мэндийн туслалцаа л үзүүлж байгаа" гэв.