Д.Баясгалан: Цар тахлын үед хадгалаастай байсан нүүрсний салхинд хийсэх нь хийсч, шатах нь шатаж алдагдал үүссэн

"Эрдэнэс Тавантолгой" компанитай "Бодь Интернэшнл" компани Тавантолгой-Гашуунсухайт чиглэлийн төмөр замын төсөл болон нүүрс нийлүүлэх гэрээ хийсэн асуудалд "Бодь Интернэшнл" компанийн ТУЗ-ийн дарга Д.Баясгалан мэдээлэл өгсөн. 

Тэрбээр "Зарим гишүүд Тавантолгой хаана байдгийг ч мэддэггүй юм билээ. Ер нь тэгээд борлуулалт, бүтцийг нь мэдэхгүй иргэд дураараа яриад байна. Хилээр гарсан нүүрсний хэмжээ нь орж ирсэн валют олон тэрбум ам.долларын зөрөөтэй гэж ярьж буйгаас нүүрсний худалдааг сайн ойлгоогүй нь харагдаж байна. 

Цар тахал гарч Эрдэнэс-Тавантолгойн уурхай бүтэн жил зогсож, үндсэндээ тэнд үлдсэн хүн байхгүй, уурхай ч ажлаагүй. Цагаан хаданд хадгалагдаастай нүүрсний зарим нь ууршиж, зарим нь салхинд хийсч, шатах нь шатаж алдагдал үүссэн. Гэтэл хил нээгдэж 2019, 2020, 2021 онд хадгалсан нүүрсээ гаргасныг нь энэ жилийн нүүрс гэж ойлгоод байгаа юм шиг байна лээ. 

Манайхан бас нарийн царигаар яагаад төмөр зам бариагүй юм гэж ярьдаг. Гэтэл Хятад аюулгүй байдлаа бодсон ч төмөр замын гэрээгээр цаг тутам төлөх татвар нь өндөр учраас Эрээнээс Хятадын вагон орж ирээд маш хурдан бараагаа буулгаад гардаг. Тэгэхээр бидэнд өргөн нарийны ялгаа огт байхгүй" гэсэн юм.