Баримт: Ц.Анандбазар ЭТТ-д шатахуун нийлүүлдэг нь үнэн

Нүүрсний хэрэгтэй нэр холбогдох 50 албан тушаалтан байгааг эх сурвалжууд мэдээлж буй ч өнөөдрийн байдлаар бүгд олон нийтэд ил болоогүй байна. Одоогийн байдлаар Авлигатай тэмцэх газраас/2022.12.13/ албан ёсоор 17 албан тушаалтныг нүүрсний хэрэгт холбоотой гэж олон нийтэд зарлаад байгаа юм. Экс ерөнхийлөгч Х.Баттулга тэргүүтэй жагсаалтад УИХ-ын долоон гишүүн багтаж байгаа.  

Нүүрсний гэх 40 их наядын хэрэгт 17 албан тушаалтныг шууд болон шууд бусаар холбоотой гэж хуулийн байгууллагаас мэдээлсэн. Харин нэр бүхий 17 эрхэм эхнээсээ “Нэг ширхэг ч нүүрс хулгайлаагүй, ямар ч хамааралгүй” гэж мэдэгдэж АТГ-ын гадаа/2022.12.15/  хэвлэлийнхэнд мэдээлэл өгсөн юм.

Ц.Анандбазар: “...Эрдэнэс таван толгойгоос бэлэн мөнгө урсаж байдаг юм байналээ, энийг харсан ямар ч хүн хулгай хийхгүй сууж чадахгүй...” 

Бурханы шашинтай, хулгай гэж мэддэггүй гишүүн Ц.Анандбазар тендер авч  “Эрдэнэс тавантолгой” ХК-д “Сод Монгол групп” ХХК-иараа 12 тэрбум төгрөгийн шатахуун шахсан баримтыг зарим эх сурвалж ил болгоод буй.

Мөн сар тутмын шатахуун нийлүүлэлтээр 2019 онд 2.8, 2020 онд 1.8 тэрбум төгрөгийн түлш шатахуун нийлүүлсэн нь Эрдэнэс тавантолгой ХК-ийн тайланд тусгагджээ.

Хөгжлийн банк, хүчингийн хэрэгт холбогдож явахад нь хамгаалж явсан хүмүүс нь алга болж нууж авч үлдсэн нэрсэд ямартай ч багтсангүй мултарлаа. Угтаа Ц.Анандбазарыг хамгаалагч халаас нэгтэй хүн нь УИХ-ын дарга Г.Занданшатар гэгддэг. Тэрээр Ц.Анандбазарын овог нэгт ах дүү болох Ц.Дэлгэрмаатай “Монголиан силикон валли” ХХК-ийг эзэмшиж ирсэн. Тус компанийн хувьцаа эзэмшигчээр УИХ-ын гишүүн Ц.Цэрэнпунцаг ч мөн бүртгэлтэй байжээ. Харин 2022 оны 11 дүгээр сар буюу одоогоос нэгхэн сарын өмнө компаниа татан буулгажээ. Эрх ашиг, хамаарал эндээс дуусч байна уу гэлтэй.