"​Баянхонгор корунд гео" баг үндэсний дээд лигт аваргалав

Монголын Волейболын Үндэсний Дээд Лигийн аварга шалгаруулах тэмцээн хоёр сар гаруйн хугацаанд Улаанбаатар хотноо амжилттай болж өндөрлөв. 2022 оны Залуучуудын улсын аваргаар шалгарсан баг тамирчдаа Баянхонгор аймаг Дээд лигт анх удаа оролцуулахдаа 27 тоглолт хийж, 20 хожил авснаар аваргын цомын эзэн болсон юм.

Тодруулбал,
• Эрэгтэй АЛТАН медалийг Д.Мөнхсайхан эзэнтэй, Б.Анхбаяр менежертэй, Спортын мастер А.Очгэрэл ахлах дасгалжуулагчтай, Д.Раднааранцас ахлагчтай Баянхонгор аймгийн Волейболын холбоо, Корунд Гео ХХК-ны “Баянхонгор” баг
• Монголын Волейболын Үндэсний Дээд Лигийн аварга шалгаруулах тэмцээний Шилдэг лигионер тоглогчоор Баянхонгор” багийн тамирчин Alireza Abalooch Mohsen
• Монголын Волейболын Үндэсний Дээд Лигийн аварга шалгаруулах тэмцээний Шилдэг холбогчоор “Баянхонгор” багийн тамирчин Г.Төрмандах
• Монголын Волейболын Үндэсний Дээд Лигийн аварга шалгаруулах тэмцээний Шилдэг дасгалжуулагчаар: “Баянхонгор” багийн тамирчин А.Очгэрэл
• Монголын Волейболын Үндэсний Дээд Лигийн аварга шалгаруулах тэмцээний эрэгтэй шилдэг үнэ цэнтэй тоглогчоор “Баянхонгор” багийн тамирчин Г.Цэнд-Аюуш нар тус тус шалгарсан юм.