ЗГ: Олон улсын аудит оруулах тухай тогтоолын төслийг хэлэлцэнэ

Засгийн газрын ээлжит бусаар өнөөдөр /2022.12.12/ 09 цагт хуралдаж эхэллээ.  Хуралдаанаар гурван асуудал хэлэлцэхээр төлөвлөжээ. 

Нэг, Цаг үеийн нөхцөл байдлын тухай,

Хоёр, "Олон улсын аудит оруулах тухай" Засгийн газрын тогтоолын төсөл, 

Гурав,  "Ажлын хэсэг байгуулах тухай" Засгийн газрын тогтоолын төслийг тус тус хэлэлцэнэ. 

Өнгөрөгч Баасан гаригт Засгийн газар ээлжит бусаар хуралдаж, “Эрдэнэс Тавантолгой”-той холбоотой төрийн нууцад хамаарах есөн гэрээг нээлттэй болгосон. Мөн Өмнөговь аймгийн Цогтцэций сумын нутаг дэвсгэрт байрлах орон нутгийн өмчийн оролцоотой “Тавантолгой” ХК-ийн үйл ажиллагааг Засгийн газрын шууд хяналтад авч, зургаан сарын хугацаагаар онцгой дэглэм тогтоох шийдвэрийг тус тус гаргасан билээ.