БНХАУ-ын иргэн Монгол иргэнийг хутгалж биед нь гэмтэл учруулжээ

Нийслэлийн нутаг дэвсгэрт БНХАУ-ын зургаан иргэн хоёр Монгол иргэнийг бүлэглэн зодож, хутгалсан гэх мэдээлэл цахим орчинд гарсан. 

 Энэ хэрийн талаар Цагдаагийн ерөнхий газраас тодруулга гаргажээ. Тодруулгад "Хан-Уул дүүргийн нутаг дэвсгэрт байрлах хоолны газраас Монгол Улсын дөрвөн иргэн гарч гаднах талбайд нь байсан БНХАУ-ын хоёр иргэнтэй  маргалдан, зодолдсон. Улмаар БНХАУ-ын иргэн нь Монгол Улсын иргэн Б-г хутгалж биед нь гэмтэл учруулсан юм. Хохирогч А, Б нарт гэмтлийн зэргийг тогтоох зорилгоор шинжээч томилж шүүх шинжилгээний үндэсний хүрээлэнд хүргүүлсэн бөгөөд одоогоор хохирогч Б нь эмнэлэгт хэвтэн эмчлүүлж байна. Хэрэгт холбогдон шалгагдаж байгаа БНХАУ-ын иргэдийн хувьд 35-38 насны иргэд байсан" гэлээ.