Тусгай зориулалтаар 2023 онд агнах, барих агнуурын тоо толгойг тогтов

Тусгай зориулалтаар 2023 онд агнах, барих агнуурын тоог Засгийн газрын өчигдөр болсон хуралдаанаар тогтоосон байна. 

Тухайлбал: Угалз 98, тэх 160, халиун буга 100, бор гөрөөс 20, цагаан зээр 200, агнуурын шувуу 300, саарал чоно 30, зэрлэг гахай 10 хүртэл толгойг агнуулахаар, тул загас 600 хүртэл толгойг барьж буцаан тавих, бусад загас 4000 хүртэл толгойг барихаар тогтоосон байна. 
Өсөлт тогтвортой байгаа агнуурын бүс нутгаас агнуурын нөөцөд тулгуурлан зохистой хэмжээнд ашиглах нь тухайн амьтдын тоо толгойн өсөлтөд сөрөг нөлөө үзүүлэхгүй бөгөөд экологийн болон эдийн засгийн ач холбогдолтой юм.