Налайх дүүргийн залуус “Иргэний андгай” өргөлөө

Монгол Улсын Ерөнхий сайдын ивээл дор жил бүр зохион байгуулдаг “Монгол Улсын иргэний андгай өргөх ёслол”-ын үйл ажиллагааг өнөөдөр улс орон даяар нэгэн зэрэг зохион байгуулж байна.

Энэ хүрээнд Налайх дүүргийн Соёлын ордонд Монгол Улсын иргэний андгай өргөх ёслолын арга хэмжээг зохион байгуулж байна. Тус арга хэмжээнд 16 нас хүрч иргэний үнэмлэхээ авах өсвөр үеийн залуусаас нийгэмд хөгжил, оролцоогоороо түүчээлж буй 280 гаруй залуус оролцож буй юм.

16 нас хүрч иргэний үнэмлэх авч байгаа өсвөр үеийн залуучуудыг “Иргэний Андгай” өргүүлэх нь түүх, соёлоо дээдэлсэн, эх оронч үзэлтэй, үүрэг хариуцлагаа ухамсарласан иргэн болгон төлөвшүүлэхэд чиглэж байгаа юм.