З.Шинэчагтага: Э.Цэндбаатартай жинхнээсээ тулалдаагүй, эхлээд тэр ялах тохироотой байсан, хэн нь ч мөнгө гаргаагүй

Боксчин З.Шинэчагтага, Э.Цэндбаатар нарын тулаан өнгөрөгч есдүгээр сарын 9-ний 19:00 цагт Монгол бөхийн өргөөнд болсон. Улмаар МУГТ Х.Цэндбаатар болон Холимог тулаанч З.Шинэчагтага нар хоёр талаас тус тус 300 сая төгрөгөөр бооцоо тавин 70 кг-ийн жинд мэргэжлийн боксоор тулалдаж Э.Цэндбаатар ялсан. 

Тамирчид өнгөрөгч зургадугаар сард бооцоотой халз тулалдах талаар хэвлэлийн хурал хийж, энэ үеэр маргаан дэгдээж байв. Тэгвэл тулалдааны дараа Э.Цэндбаатар "Би өнөөдрийг хүртэл бооцооны мөнгөө аваагүй байгаа. Тэмцээнд орсон биш өрөнд ороод дуусч байна" гэж хэвлэлээр мэдээлж байсан юм. 

Тухайн үед тамирчин З.Шинэчагтага "Бид хоёр тал талаасаа 300, 300 сая төгрөг гаргаад тоглоё гэсэн. Тэгээд 600 сая болно. Мөнгөө яаж босгож байгаа нь бидний асуудал" хэмээж байв. 

Харин тэрбээр өнөөдөр /2022.11.24/ "Би Цэндээтэй жинхнээсээ тулалдаагүй шүү. Эхлээд тэр, дараа нь би ялах зохиолтой байсан. Бид хоёрын хэн нь ч мөнгө гаргаагүй. Нэр хүндгүй болоод баларч байхад нь хожигдож өгсөн биш би буруутай болчихлоо" гэсэн байна.