Төрийн дээд шагнал "Чингис хаан” тэргүүн зэргийн одон гардуулах ёслол болно

Өнөөдөр буюу 2022 оны арваннэгдүгээр сарын 24-ний өдөр болох зарим үйл явдлын хураангуйг хүргэж байна.

Д.СҮХБААТАРЫН ТАЛБАЙ

07:30 цагт: Монгол Улсын Төрийн далбааг мандуулна.

08:00 цагт: Төрийн тугийг цэнгүүлнэ.

БЛЬЮ СКАЙ ЗОЧИД БУУДАЛ

09:00 цагт: Соёлын бүтээлч сарын хүрээнд "Монгол-Японы соёлын өвийн форум" болно.

Д.ЗАНАБАЗАРЫН НЭРЭМЖИТ ДҮРСЛЭХ УРЛАГИЙН МУЗЕЙ

09:00 цагт: Соёлын бүтээлч сарын хүрээнд "Нүүдэлчин Монгол ардын гар урлал" үзэсгэлэн дэлгэгдэнэ.

ТӨРИЙН ОРДОН

10:00 цагт: Монгол Улсын Ерөнхийлөгч Ухнаагийн Хүрэлсүх АНУ-ын эрдэмтэн Жак Уэтерфорд, Шинжлэх ухааны гавьяат зүтгэлтэн, доктор, профессор, академич Д.Доржготов нарт Монгол Улсын төрийн дээд шагнал, тэргүүн зэргийн “Чингис хаан” одон гардуулна.

12:00 цагт: Эзэн Богд Чингис хаан мэндэлсний 860 жилийн ойд зориулсан УИХ-ын хүндэтгэлийн чуулган хуралдана.

СОЁЛЫН ӨВИЙН ҮНДЭСНИЙ ТӨВ

09:30 цагт: Соёлын бүтээлч сарын хүрээнд "Архитектурын өвийг хадгалж, хамгаалах нь" хэлэлцүүлэг болно.

ЧИНГИС ХААН МУЗЕЙ

11:40 цагт: Соёлын бүтээлч сарын хүрээнд "Монгол орон, Монголчууд" Чингисийн алтан ургийнхан гэрэл зургийн тусгай үзэсгэлэн нээгдэнэ. /Түр үзэсгэлэнгийн танхим/

14:00 цагт: Их эзэн Чингис хааны мэндэлсэн Монгол бахархлын өдөрт зориулан Монгол Улсын Ерөнхийлөгчийн санаачилгаар уламжлал болгон зохион байгуулдаг “Мөнх тэнгэрийн бичиг-2022” Монгол уран бичлэгийн олон улсын үзэсгэлэн дэлгэгдэнэ. /Мөнгөн модны танхим/

СОЁЛЫН ТӨВ ӨРГӨӨ

15:00 цагт: Эх эзэн Чингис хааны мэндэлсэн өдөр буюу  “Монгол бахархлын өдөр”-т зориулсан Төрийн хүндэтгэлийн тоглолт болно.

19:00 цагт: "Болор цом" яруу найргийн 40 дэх наадам зохион байгуулагдана.

УЛСЫН ДРАМЫН ЭРДМИЙН ТЕАТР

17:00 цагт: Чингис хааны мэндэлсэн Монгол бахархлын өдөрт зориулан Б.Цогнэмэхийн зохиол, Төрийн соёрхолт УГЗ Н.Наранбаатарын найруулга "Хаадын хаан андгай" түүхэн туульсын жүжиг тоглогдоно.