​Ж.Ганбаатар: Ирэх сард дизель түлшний нийлүүлэлт хэвийн болно

УУХҮ-ийн сайд Ж.Ганбаатар дизель түлшний нөөцийн талаар мэдээлэл өглөө. 

Тэрбээр “Манай улсын дизель түлшийг хангадаг гол үйлдвэр болох Ангарскын үйлдвэрт долоо хоногийн түр завсарлагаа гарсан. Энэ нь жил болгон бий болдог зуны түлшнээс өвлийн түлш рүү шилжих процесс юм. Энэ нь тасалдалд нөлөөлсөн. Роснефть компани гэрээний дагуу нийлүүлэлтээ хийж байна. Ирэх сард Роснефтиэс 83 мянган тонныг дизель түлш авах гэрээ байгуулж, захиалгаа өгсөн. Тэгэхээр арванхоёрдугаар сард бусад борлуулагч компаниас бус зөвхөн Роснефть нийлүүлээд явна. Тиймээс ирэх сард асуудал шийдэгдэнэ. Эрсдэл тээвэрлэлт дээр бас бий. ОХУ-ын төмөр замын ачаалал өндөр байна. Мөн манай улсын төмөр замын ачаалал ч мөн өндөр хэвээр байна.  Одоогийн байдлаар манай улс дизель түлшний 11 хоногийн нөөцтэй байна" гэлээ.