УУХҮ-ийн сайд Дарханы төмөрлөгийн үйлдвэрийн үйл ажиллагаатай танилцлаа

Уул уурхай, хүнд үйлдвэрийн сайд Ж.Ганбаатар өнгөрөгч амралтын өдөр  Дарханы төмөрлөгийн үйлдвэр ТӨҮГ-ын Төмөртэйн ил уурхай, Баяжуулах үйлдвэр, Төмөр замын байгууламжийн үйл ажиллагаа, Нойтон баяжуулах үйлдвэр, Цувих цехийн ажлын явцтай танилцлаа.

     Үйлдвэрийн удирдлага шинэчлэгдсэн, мөн Засгийн газрын тогтоолоор Эрдэнэс Монгол компанийн бүрэлдэхүүнд нэгтгэсэн зэрэг өөрчлөлтийн хүрээнд үйл ажиллагаанд эрс шинэчлэл хийх шаардлагатай талаар сайд Ж.Ганбаатар үйлдвэрийн удирдлагуудтай санал солилцож, шаардлагатай арга хэмжээг авч хэрэгжүүлэхээр болов.

Технологийн хувьд хаягдал төмөр ашигладаг, нөөцийн асуудлаас болж үйлдвэр бүрэн хүчин чадлаараа ажиллахгүй байгааг Ж.Ганбаатар сайд тодотгов. Тэрбээр энэ тухай  "Уг нь бол тус үйлдвэр төмрийн томоохон нөөц бүхий өөрийн ордтой.Ордоо ашиглаж, үйлдвэрлэлээ нэмэгдүүлэх боломж бий. Зах зээл нь ч бэлэн бий. Улсын ганц хүнд үйлдвэрээ өргөжүүлэх, сайжруулж авч явахын төлөө бид тал талаасаа идэвхи гаргаж ажиллах хэрэгтэй" гэдгийг онцоллоо.