"Мөнгөн гүүр" эмнэлгээс Дорнод аймгийн малчин Г.Гансүх гуайг хүлээн авч, хэвтүүлжээ

Дорнод аймгийн малчин Г.Гансүх нь өнгөрсөн жилийн наймдугаар сард "Мөнгөн гүүр"эмнэлэгт өвдөгний үе солиулах мэс засалд орж улмаар хагалгаа нь амжилтгүй болж өвдөг нь тэнийж, эдгэрдэггүй гэх талаар охин Г.Ганчимэг нь манай редакцид хандаад байсан билээ. Г.Ганчимэг аав болон ой гарантай хүүгээ дагуулан Дорнод аймгаас Улаанбаатар хотод ирж, очих айлгүй тул 2-3 хоног машиндаа амьдарч байсан юм. Уг асуудлаар бид Г.Гансүх гуайн охин Г.Ганчимэгтэй утсаар холбогдож нөхцөл байдлыг тодрууллаа. 

Тэрбээр "Мөнгөн гүүр эмнэлгээс өнөө өглөө аавыг нь хүлээж аваад хэвтүүлье гэж байсан ч танай мэдээллийг үзсэн учир хүлээж авахгүй гэсэн. Миний хувьд хүү болон аавыгаа дагуулан эмнэлгээс уйлаад гарч явтал эмнэлгийнхэн араас ирээд аавыг маань Мөнгөн гүүр эмнэлэгтээ хэвтүүлэхээр болсон. Цаашид өвдөгний үе солиулах мэс ажилбарыг засаж хийх боломжтой эсэхийг эмч нарынх нь хурлаар оруулах юм байна. Би аавынхаа өвдөгийг эргүүлэн хэвийн болгох хүсэлтэй байна. Ямартай ч аав маань эмнэлэгт хэвтчихлээ. Хүүгээ аваад айлд аавыгаа тэнхэртэл эргэж тойроод байхаар болсон " гэв.