НӨАТ-ын сугалааны тохирол лхагва гарагт явагдана

НӨАТ-ын сугалааны аравдугаар сарын тохирол энэ сарын 16-н буюу Лхагва гарагийн 13:00 цагт явагдахаар товлогджээ.

Тус тохиролд 2022 оны аравдугаар сарын 1-31-ний хооронд худалдан авалт хийсэн цахим төлбөрийн баримтыг арваннэгдүгээр сарын 15-ны  12:59 цагаас өмнө ebarimt системд бүртгүүлсэн бол сугалаандаа хамрагдах юм.

НӨАТ-ын сугалааны шинэ журмаар олон баримт бүртгүүлэх тусам азтан болох боломж өндөр хэмээн мэдэгдээд буй. 

НӨАТ-ын сугалааны тохиролд:

• 1-10 баримт бүртгүүлээд 3-8 орон таарвал 30,000-5 сая төгрөг
• 11-50 баримт бүртгүүлээд 3-8 орон таарвал 40,000-10 сая төгрөг
• 51-ээс дээш баримт бүртгүүлээд 3-8 орон таарвал 60 мянгаас 30 сая төгрөгийн урамшуулал авахаар шинэчилсэн.

Есдүгээр сарын баримтаар явуулсан тохиролд 36,499 азтан тодорч байв.

Сугалааны тохирлыг Боловсрол ТВ болон Ebarimt аппликэйшнээр шууд үзэх боломжтой.