"Н.Алтанхуяг, З.Энхболд, Ц.Элбэгдорж нар ҮАБЗ-өөс шийдвэр гаргаж Хөгжлийн банкны зээл олголтыг өөрчилсөн"

Баасан гаригийн үдээс хойших чуулганы нэгдсэн хуралдаанаар·Монгол Улсын Ерөнхий сайдын мэдээллийн сонслоо. Тодруулбал, Монгол Улсын Хөгжлийн банкны чанаргүй зээлийг барагдуулах, олон улсын банк, санхүүгийн байгууллагуудын өмнө гэрээгээр хүлээсэн зохистой харьцааны шалгуур үзүүлэлтийг хангах, гадаад эх үүсвэрүүд хугацаанаас өмнө дуудагдах эрсдэл, урьдчилан сэргийлэх чиглэлээр Засгийн газраас авч хэрэгжүүлж байгаа арга хэмжээний талаар Сангийн сайд танилцуулав. 

Энэ үеэр УИХ-ын гишүүн Б.Пүрэвдорж "Банк дампууруулах Ардын намын үндсэн чаддаг ажил болсон байна.  Хөгжлийн банкны асуудлыг Ардчилсан намд наана гэвэл ёстой гонжийн жоо, голионы баас. Найдваргүй зээл 9.9 хувьтай байсан. Та нарын хувьд 40-хөн эрх мэдэлтэн зээл авдаг банк болгож байгаад, хулгайлсан" гэв.

Үүнд Эдийн засгийн хөгжлийн сайд Ч.Хүрэлбаатар хариулж  "Уг нь улстөржмөөргүй л байна. Улстөржвөл улстөржинө шүү дээ. 2012 оны сонгуулийн дараа Солонгосын менемжентийн багийг хөөгөөд явуулсан. Бүх асуудлыг Б.Жавхлан дээр наах гэж байгаа бол буруу шүү. Харин ч 2017 онд баталсан хууль чухал, зөв байсан юм шүү" гэлээ.