Сайхан мэдээ: Есөн дүүгээ өсгөж буй хэрсүү охин С.Ариунболор шинэхэн байрандаа дүү нарынхаа хамт элэг бүтэн амьдарч байна

Миний хамгийн том мөрөөдөл дүү нараа цуглуулаад хамтдаа байх. Одоо харин биелэчихсэн хэмээн ярих Б.Ариунболорыг онцлон хүргэж байна. С.Ариунболор өнчирч хоцорсон есөн дүүгээ, нялх охиныхоо хамт өсгөж буй хэрсүү ээж бас эгч гэдгээр нь олон хүмүүс мэднэ. Есөн дүүдээ ээжийнхээ оронд ээж аавынхаа оронд аав болсоор ирсэн. Асрамжид байсан дүү нараа цуглуулж хамтдаа  байх боломжийг түүнд хэсэг залуус бүрдүүлж байрны урьдчилгааг хандивын аянаар бүрдүүлсэн. Харин энэхүү сайн үйлсийг "Улаанбаатар групп" ХХК-аасс дэмжиж С.Ариунболор есөн дүүгийнхээ хамт энэ оны наймдугаар сард байрандаа орсон юм.

С.Ариунболор эрэгтэй дүү нараа хөлбөмбөг, жүдо, сагсны дугуйланд явуулдаг. Учир нь спорт хүнийг төлөвшүүлж, сахилга баттай нэгэн болоход тусалдаг хэмээн ярина. Ээж маань миний хоёр охин хэдэн дүү нараа газардуулахгүй аваад явчихна даа гэж их ярьдаг байсан юм хэмээн С.Ариунболор санааширна. Тэрбээр дүү нартаа зөв бодолтой, зөв сэтгэлтэй явахад л амьдрал болоод явчихна хэмээн захина. 

Бичлэгээр үзэх: