"Сүрүга Монгол"-ын гүйцэтгэх захирал асан нас барсан тул хүүхдийг нь хохирогчоор татна

Гадаадын хөрөнгө оруулагчдыг тонон дээрэмдсэн 57 хэргийн жагсаалтыг ХЗДХ-ийн сайд Х.Нямбаатар танилцуулсан. 

Энэ үеэр  тэрбээр "Сүрүга Монгол" корпорацын гүйцэтгэх захирал асантай холбоотой хэргийг мэдээллээ.

Япон улсын хөрөнгө оруулалттай “Суруга Монгол” ХХК нь Улаанбаатарт хотод барилга, орон сууцны томоохон төслүүд хэрэгжүүлж, үүнд зориулж Хан-Уул дүүргийн 15 дугаар хороонд байрлах 900 га газрыг эзэмшиж байв.

Монгол Улсын иргэн Т.Гочоосүрэн нь мансууруулах сэтгэцэд нөлөөлөх бодисыг хууль бусаар олж авч, 2012 оны хоёрдугаар сарын 28-29-нд шилжих шөнө Хан-Уул дүүргийн нэгдүгээр хороонд байрлах "Палас" зочид буудлын 609 тоот өрөөнд байрлаж байсан Японы иргэн "Суруга" корпорацийн гүйцэтгэх захирал Хара Цунэакегийн орны матрас доор мансууруулах бодисыг байрлуулж, бусдыг зохион байгуулалттайгаар гэмт хэрэгт гүтгэсэн.  Хэргийг 2012 онд нээж, холбогдогчоор Т.Гочоосүрэн, И.Тэргэл нарыг цагаатгаж шийдвэрлэсний дараа давж заалдах шатны шүүхээр цагаатгах тогтоолыг хэвээр үлдээсэн. 

Эдгээр иргэд хувиараа бизнес эрхэлдэг болсон байна. Тухайн Японы иргэн сүүлд нас барсан учраас үр хүүхдийг нь хохирогчоор татна. Тухайн компани нь Япон улсдаа нэлээд нэр хүндтэй компани юм билээ" гэв.