"Багш нар сурагчдаасаа бэлэг сэлт нэхдэг явдлыг эцэг эхчүүд илчилж байж энэ байдал засагдана"

 Нийслэлийн Ерөнхий боловсролын тавдугаар сургуулийн 11 дүгээр ангийн багш  "Iphone14" prо max авахуулна. Өрөнд оров оо" зэргээр сурагчид руугаа чат бичиж дарамталдаг байсан гэх мэдээллүүд гарсан юм. Уг асуудлын мөрөөр тухайн багшийг ажлаас нь чөлөөлсөн. 

Энэ талаар БШУ-ны сайд Л.Энх-Амгалангаас тодруулахад тэрбээр "УИХ-аар Шүгэл үлээгчийн эрх зүйн байдлын тухай хуулийн  төслийг хэлэлцээд эхэлсэн. Эцэг эхчүүд, асран хамгаалагч нар аль болох сургууль болон багш нар нь хууль бус юм шаарддаг хандив, мөнгийг өгөхгүй байх ёстой. Сүүлд Нийслэлийн Ерөнхий боловсролын тавдугаар сургуулийн 11 дүгээр ангийн багш  ""Iphone14" prо max авахуулах гэсэн асуудал гарлаа. Тухайн багшийг ажлаас нь чөлөөлсөн. Цаашид дахин ийм байдал гаргахгүйн төлөө эцэг эхчүүд, асран хамгаалагч нар хяналт тавьж, шүгэл үлээгч болох нь чухал байна" гэлээ.