МАН: Д.Сарангэрэл гишүүн УИХ-ын дэд даргад яригдаагүй

УИХ-ын дэд даргаар ажиллаж байсан Т.Аюурсайхан ХНХ-ын сайд болсонтой холбоотойгоор түүний оронд хэнийг УИХ-ын дэд даргаар томилох вэ гэдэг асуудал улс төрийн хүрээнд таамаг төдий яригдаж байна. 

Зарим хэвлэл мэдээллийн хэрэгслээр УИХ-ын гишүүн Д.Сарангэрэл УИХ-ын дэд дарга болох тухай мэдээлэл гарсан. Энэ талаар УИХ дахь МАН-ын бүлгийн дарга Д.Тогтохсүрэнгээс тодрууахад тэрбээр " УИХ-ын дэд даргын асуудлыг ойрын үед ярина. Удирдах албан тушаал учраас намын дүрмээр намын түвшинд мөн Удирдах зөвлөлөөр оруулж байж шийдвэрлэнэ. УИХ-д сонгогдсон байдал, боловсролын түвшин, туршлага, удирдах түвшинд ажиллах чадвар зэргийг олон талаас нь харж байж УИХ-ын дэд даргыг томилно. Одоогоор яригдсан нэр байхгүй" гэлээ.