“Хөх сүрэг” төсөл унаж буй койнуудын араас орсон уу?

Өнгөрсөн жил манайд олон төрлийн койнууд гарч иргэд ихээр мөнгөө оруулсан. Гэвч койнуудын үнэ унаж иргэдэд хохирол учруулж эхэлсэн юм. 

Харин “Хөх Сүрэг” бол койнтой ижлээр хөрөнгө оруулалт татаж мал өсгөхөөр олон нийтэд сурталчилгаагаа хийсэн. Өөрөөр хэлбэл та Хөх Сүрэг компанитай гэрээ байгуулж хөрөнгө оруулан мал эзэмшээд, тухайн компаниар малаа өсгүүлж жил бүр малынхаа өгөөжөөс хүртэх юм.

Тэгвэл энэхүү төсөл хэр бодитой хэрэгжиж байгааг судалж үзлээ.

Иргэд  тухайн компанитай 5 жилийн хугацаатай гэрээ байгуулж жил бүр өгөөж хүртэхээс гадна үндсэн малаа өсгүүлж авах төсөл аж. Тэгвэл ямартай ч төсөл зохион байгуулагчдын зүгээс эхний жилдээ мал аж ахуйн төслийн сууриа амжилттай тавьсан байгаа нь олон нийтэд ил байна. Мөн үүнээс гадна өгөөжөө авсан хүмүүс сэтгэл хангалуун байгаа юм байна.

Хөх сүргийнхэн малчдаа сонгон шалгаруулж бэлтгээд суурь малаа үе шаттайгаар бүрдүүлээд эхэлсэн байна. 

Төсөл хэрэгжүүлэгчдийн зүгээс тайлбарлаж буйгаар энэхүү төслийн онцлог нь мал аж ахуйн салбарыг тооноос чанарт шилжүүлж, малыг богино хугацаанд эдийн засгийн эргэлтэд оруулж байгаа нь бэлчээрийн асуудал болон хөрөнгө оруулагчдын хөрөнгө эрсдэлд орохоос сэргийлж буйг онцолж байна.

Тэд хөрөнгө оруулалтаараа суурь малаа бэлдэхээс гадна, үйлдвэр, мал бордох аж ахуй, хаваржаа намаржаа, малын тэжээл тариалж буй газар тариалангаа бэлтгэсэн байгаа нь төслийн сууриа амжилттай тавьж буйг илтгэж байна гэж ойлгож болно.

Мөн нөгөө талаасаа эргэлзээ төрүүлж байгаа зүйл нь малын тоо тогтмол байдаггүй, хөрөнгө оруулсан эзэмшигчид нь малаа наслахгүй, зүслэхгүй юм байна. Гэвч энэхүү төсөл нь койнуудыг  бодвол бодитоор хэрэгжиж, үр өгөөжөө өгч буй цөөн төслүүдийн нэг байж болох юм.