О.Эрдэнэ-Очир: Эх орондоо бүжгээр, хамтлаг төрлөөр медаль авч ирсэндээ маш их баяртай байна

Герман улсын Брауншвейг хотноо бүжгийн спортын латин болон стандарт хамтлаг бүжгийн ДАШТ болж өнгөрлөө. Монгол Улсаа төлөөлөн латин бүжгийн төрөлд “Хатантуул”, стандарт бүжгийн төрөлд “Moon Dance”, “Star” зэрэг хамтлагууд оролцсон. 

Үүнээс стандарт бүжгийн төрөлд “Moon Dance” хамтлаг хоёрдугаар байр эзэлж, дэлхийн аваргын мөнгөн медалийн эзэд болсон юм. Тэд өчигдөр эх орондоо ирж баярын сэтгэгдлээ хувцаалцлаа. Анх удаа бүжгээр хамтлаг төрлөөр эх орондоо медаль авч ирсэндээ маш их баяртай байгаагаа хэлж байна.