Б.Жавхлан: Эрдэнэт үйлдвэрийн хувьцааны өрийг төлж баталгаажуулсан

Сангийн сайд Б.Жавхлан "Эрдэнэт үйлдвэрийн асуудлаар мэдээлэл өглөө. 

Тэрбээр  Анх 2017 онд УИХ-ын 23 дугаар тогтоолд "Эрдэнэт үйлдвэр" ХХК, "Монросцветмет" компанийн 49 хувийн хувьцааг худалдан авсан гэх өр төлбөрийг барагдуулж,  100 хувь улсын өмч болгох үүргийг Засгийн газарт өгсөн. Үүний дараа эхний ээлжид тодорхой нэр бүхий иргэдээс УИХ-ын тухайн тогтоолыг Үндсэн хуулийн цэцэд өгөхөд "УИХ-ын тогтоол хууль зөрчөөгүй байна. Гэхдээ 49 хувийн төлбөрийг төлөх хэрэгтэй" гэдэг дүгнэлт гаргасан. Үүнээс хойш Сангийн яамнаас  дөрвөн ч удаа хэлцэл хийх оролдлого хийсэн боловч  үр дүнд хүрээгүй. Нөгөө талаас шүүх дээр маргаан үүсгэж, тухайн үеийн Засгийн газар ялагдаж байсан. Ингээд энэ хэлцлийг хийгээгүй явсаар миний бие Сангийн сайд болсныхоо дараа ажлын хэсгийг ахалж ажилласан. Ажлын хэсэг архив дээр судалж, нэлээд ажилласан. 

Хоёр удаагийн хэлцэл амжилттай болж, нийтдээ 647 тэрбум төгрөгийн харилцан суутгах гүйлгээг хийсэн. Эхний ээлжид 165.5 тэрбум төгрөг, дараа нь 480.7 тэрбум төгрөг суутгасан.  Ингэснээр  Эрдэнэт үйлдвэрийн хувьцааны өрийг төлж баталгаажуулсан гэсэн үг. "Эрдэнэт" үйлдвэр 100 хувь төрийн өмч болох нөхцөл бүрдсэн. Гэхдээ хэлцэл дуусаагүй, үргэлжилж байгаа" гэлээ. 

Түүнчлэн АТГ-аас "Эрдэнэт үйлдвэр"-ийн 49 хувь дээр мөрдөн шалгах ажиллагаа явуулж байгаа аж. Нийт 10 гаруй хүнийг яллагдагчаар татан шалгаж байгаа гэж ХЗДХ-ийн сайд Х.Нямбаатар мэдээллээ.