Хүүхдийн эрхийн байгууллага “сохор, дүлий”

Улаанбаатар хот хүүхдэд ээлгүй гэдгийг хоёр долоо хоногт болж өнгөрсөн үйл явдлуудаас жишээ авч харж болно.
Долоон настай охин Чингэлтэйн эцэс Зүрх уулын автобусанд суухаар гүйж байгаад жолооч нь хараагүй гэх шалтгаанаар охиныг мөргөж гарыг нь гэмтээсэн. Харин уг үйлдлээ “сохор тал” гэж хаацайлан байдал намжсан. Охины сургууль сургуулийн автобусгүй, чиглэлд явдаг автобус нь удаж ирдэг. Өөрөөр хэлбэл 7 настай охины сурах орчин ээлгүй, эрүүл аюулгүй орчинд амьдрах эрх нь зөрчигдсөн.

Хичээлээ тараад явж байсан найзууд болох 12 настай охид явган хүний зам дээр мөргүүлж С охин замын хажуугаар нидрэгдэн дайруулж, баруун хөлнийх нь мах ухагдан зулгарсан. Жолооч нь согтуу найз залуугаараа машин бариулахгүй гэж жолоодох эрхгүй хэрнээ машин барьж охидын сэтгэл зүй, эрүүл мэндэд ноцтой хохирол учруулсан. 

Дээрх хоёр жишээ нь хүүхдийн эрх зөрчигдсөн асуудал. Гэтэл хүүхдийн эрхийг хамгаалж, дуу хоолой нь болох Гэр бүл, хүүхэд, залуучуудын хөгжлийн газар сохор, дүлий мэт таг байгаа юм.