Б.Жавхлан: ОУВС-гийн уулзалтаар улс орнууд мөнгөний бодлогоо хатууруулж, төсвийн зардлаа хумьсан бодлого явуулахад санал нэгдлээ

Сангийн сайд Б.Жавхлан Олон Улсын валютын сан, Дэлхийн банкны жилийн уулзалтад оролцлоо.

Олон Улсын валютын сан, Дэлхийн банк, Олон улсын санхүүгийн корпораци, Японы олон улсын хамтын ажиллагааны байгууллагуудын удирдлагуудтай уулзаж дэлхийн болон бүс нутгийн эдийн засгийн нөхцөл байдал, Монгол Улсын эдийн засаг, төсөв санхүүгийн төлөв байдлын талаар ярилцжээ. 

Дэлхийн эдийн засаг цаашид инфляцын хүндрэлүүдтэй нүүр тулах төлөвтэй байгаа тул төсөв мөнгөний бодлогыг хатууруулах тал дээр улс орнууд санал нэгдсэн гэдгийг тэрбээр хэллээ.