Х.Нямбаатар: Ж.Батзандан эмнэлгийн тусламж хүссэн

УИХ-ын гишүүн асан Ж.Батзанданг Хөгжлийн банкны асуудлаар холбогдуулан нэг сар цагдан хорихоор шүүхээс шийдвэрлэсэн. Тэгвэл Ж.Батзандан эмнэлгийн хяналтад байх шаардлагатай талаар хүсэлт гаргасан талаар ХЗДХ-ийн сайд Х.Нямбаатар мэдээлэл өглөө.

Тэрбээр "Ж.Батзандан бид нар бол найзууд. Үзэл бодол нийлдэг.  АТГ-аас Ж.Батзандантай холбоотой асуудлаар Эрүүгийн хэрэг үүсгээд  яллагдагчаар татагдаад нэг сарын хугацаатай таслан сэргийлэх арга хэмжээ авлаа гэдэг шүүхийн шийдвэрийг бисонссон. Ж.Батзандангийн биеийн байдал ямар байгаа талаар би өмгөөлөгчөөс нь асуусан. Өнгөрсөн хавар хоёр удаа ходоод дурангийн болон өөр бас нэг хагалгаанд орсон юм билээ. Ж.Батзандангийн зүгээс "Ходоодны дурангийн хагалгаанд орсон учир шүүрч цус алдах магадлалтай байгаа учир эмнэлгийн тусламж үзүүлээчээ" гэх хүсэлтийг Шүүхийн шийдвэр гүйцэтгэх байгууллагад гаргасан гэх мэдээлэлтэй байна. Би өөрөө очоогүй, холбогдоогүй" гэсэн мэдээллийг тэрбээр  өгөв.