Х.Нямбаатар: "Найман шарга" дээр доллар дараад яваа МАН-ын гишүүний нэрийг нь шууд хэл

УИХ-ын Баасан гаригийн чуулганы нэгдсэн хуралдаанаар Төлбөрийн чадваргүйдлийн тухай хуулийн төслийг хэлэлцэх эсэхийг нь дэмжлээ. 

 Хууль, эсвэл гэрээнд заасан мөнгөн төлбөрийн үүргээ үргэлжилсэн 6 сараас дээш хугацаагаар биелүүлж чадаагүй хуулийн этгээдийг төлбөрийн чадваргүйд тооцож, төлбөрийн чадваргүйдлийн ажиллагааг эхлүүлэх хүсэлт гаргах боломжтойг хууль санаачлагч онцоллоо. 

 Энэ үеэр УИХ-ын гишүүн Б.Пүрэвдорж хуулийн төслийн талаар асуулт асуух үеэрээ тэрбээр "Найман шарга" төвөөр МАН-ынхан яваад ам.доллар дараад байна гэж сонссон. Гэтэл өнөөдөр ам.доллар 3600 болж, МАН-ынхан  доллар зараад байна гэсэн сураг сонссон шүү. Та нар аж ахуй нэгжүүдийг дампууртал нь ам.долларын ханшийг өсгөж, нөгөө талд нь мэдээлэлд ойр давуу байдлаа ашиглаж өөрсдөө эдийн засгийг дампууруулж байгаад ашиг олдог энэ байдлаа яаж шийдэх юм бэ" гэв. 

Түүний асуултад ХЗДХ-ийн сайд Х.Нямбаатар хариулахдаа "Б.Пүрэвдорж гишүүн уг нь зоригтой хүн. МАН-ын хэн гишүүн, ямар дугаартай хүн "Найман шарга" төвөөр явсныг шууд нэрийг нь хэлэх хэрэгтэй. МАН-ын олон зуун гишүүнийг хавсруулаад тэр, энэ гэж ярьж байхаар тодорхой нэрийг нь хэлмээр байна. Би таныг бөөрөнхий гэж бодоогүй, баруун Монголд нэлээд зориг зүрхтэй хүн гэж боддог" гэлээ.