Б.Энхбаяр: Дарга нар хүссэн зүйлдээ нууцын тамга дарж бүх юмаа нууцалж байгаад хулгай хийж байна

УИХ-ын гишүүн Б.Энхбаяр: Мөнгөөр шүгэл үлээлгэдэг болгоё гэдэг санаатай. Манай иргэд шудрага ёсны сэтгэл, зүрхтэй учраас шүгэл үлээдэг. Мөнгө олох зорилгоор шүгэл үлээхийг мэдэхгүй юм. Шантаажны байдлаар шүгэл үлээдэг хүмүүс байдгийг үгүйсгэхгүй. Би бол шүгэл үлээгч, гэхдээ мөнгө олохын тулд шүгэл үлээдэггүй. Энэ хуулийн төсөл дээр хоёр асуулт байна. Нэгдүгээрт энэ хуулийн төслийн 3.2.2 төрийн болон албаны нууцын хуульд заасанчлан төрийн нууцыг хамгаалах ажилтан танилцах эрх бүхий албан тушаалтан танилцсан төрийн нууцад хамаарах мэдээллийг энэ хуулийн үйлчлэлд хамааруулахгүй гэж байгаа юм. Гэтэл төмөр замын хэрэг болон хэдэн их наядаараа идсэн уусан хэргүүд бүгд нууцад байгаа. Гэтэл нууцад байгаа хэргийг хамааруулахгүй гээд байна. Уг нь нууцын тамганы цаана хулгай хийгээд байгааг л илрүүлэх гээд байгаа юм. Гэтэл энэ ямар учиртай орж ирснийг асуумаар байна. Мөн Сангийн яам Татварын маргаанаа шийдэж байгаа асуудалд шүгэл үлээж болохгүй гэсэн санал өгсөн байгаа юм. Дарга нар дуртай зүйлээ албаны нууц гээд нууцын тамга дарчихдаг. Бүх юмаа нууцалж хулгай хийж байгаа. УИХ-ын гишүүн миний бие асуулга тавихад нууцын тамгатай ирүүлж байна. Би үүнийг нь ил болговол 2-8 жилийн хорих ял авна. Тэгэхээр би ярьж чадахгүй. Нууц гэж дарж байгаа тамганы цаана хулгай байна. Нууцалж байгаа харилцаанд шүгэл үлээж ил болгох хэрэгтэй.

Бичлэгээр үзэх: