Роснефть компаниас манай улс таван жилийн хугацаанд шатахуун тогтвортой үнээр авах гэрээг албан ёсоор хийжээ

Дорнын эдийн засгийн чуулганы үеэр албаны хүмүүс яриа хэлэлцээ хийж, АИ-92 шатахууныг
2027 он хүртэл тогтвортой үнээр, дизель түлшийг 10 хувийн хөнгөлөлттэй үнээр худалдан
авахаар тохирсон.
Уг хэлэлцээний дагуу "Роснефть" компанитай таван жил хамтран ажиллах гэрээгээ албан ёсоор
үзэглэсэн тухай Уул Уурхай, Хүнд Үйлдвэрийн дэд сайд О.Батнайрамдал өнөөдөр мэдэгджээ.

Тэрбээр:

"Монгол Улсын Ерөнхий Сайд Л.Оюун-Эрдэнийн ОХУ-тай хийсэн хэлцэлийн хүрээнд Роснефть компанитай ийнхүү 5 жилийн урт хугацааны гэрээгээ албан ёсоор үзэглэлээ.

Газрын тосны үнэ дэлхийн зах зээл дээрх хэт савалгаатай мөн өндөр байгаа энэ үед тогтвортой үнээр урт хугацаандаа шатахуун нийлүүлэх боломж үүгээр нээгдэж байна" гэжээ.