Д.Батлут: Цахилгааны үнийг нэмэх гэж ярихаас өмнө байгаа боломжоо ашиглах ёстой

УИХ-ын чуулганы нэгдсэн хуралдааны үеэр УИХ-ын гишүүн Д.Батлут "Иргэдийн хэрэглээний эрчим хүчний үнийг нэмэх тухай их ярьж байна. Бидэнд иргэдийн нуруун дээр ачаа нэмэхгүй байх боломж бий. Монгол Улсад сэргээдэх эрчим хүчнийг 1кВт тутамд нь 300-575 төгрөгөөр иргэдэд борлуулж буй. Энэ нь бусад төрлийн цахилгаан эрчим хүчний үнэлгээнээс 3-5 дахин илүү үнэтэй гэсэн үг. Сэргээгдэх эрчим хүч үйлдвэрлэгч 9 компани эрчим хүчний системийн борлуулалтын орлогын 27,3 хувийг авдаг. Компани тус бүр жилд 60-70 тэрбум төгрөгийн ашиг олдог. Иргэдийн нуруун дээрх ачааг нэмэхээс илүү сэргээгдэх эрчим хүчний үнийг бууруулж асуудлыг шийдэх хэрэгтэй байна" гэлээ.