Засгийн газрын нийт өр 28,5 их наяд болж өмнөх улирлаас 1 их наяд төгрөгөөр нэмэгджээ

Монгол Улсын Засгийн газрын нийт өрийн хэмжээ улирал тутамд өсөж байгаа тоон үзүүлэлтийг Үндэсний статистикийн хорооноос гаргажээ. Засгийн газрын нийт өрийн хэмжээ энэ оны эхний хагас жилд 28,5 их наяд төгрөг болж мөн л өссөн байна. 2021 оны 4-р улиралд Засгийн газрын өрийн хэмжээ 27,4 их наяд байсан бол энэ оны 1-р улиралд 27,5 их наяд болсон. Харин 2-р улирлын байдлаар 28,5 их наяд болж өмнөх улирлаас нэг их наяд төгрөгөөр нэмэгджээ.