Сайхан мэдээ: Жүдогийн ДАШТ-ээс манай улсын тамирчин Э.Ариунболд мөнгөн медаль хүртлээ

Узбекистан улсын Ташкент хотод болж буй Жүдогийн ДАШТ-д Монгол улсаас Олон улсын хэмжээний мастер Э.Ариунболд 60кг жинд мөнгөн медаль хүртлээ.

Тэрбээр: Тамирчин хүний мөрөөдөлд Дэлхийн аварга,Олимп хоёр байдаг. Мөрөөдлийнхөө захаас хүртсэндээ баяртай байна.Манай багаас аварга төрөх байх. Миний дараагийн зорилго бол Парисын олимпт оролцох. Би ДАШТ-д анх удаа орж байгаа, хичээсээр финалд үлдэж мөнгөн медаль хүртэж байгаадаа маш их баяртай байна. Багш нартайгаа тактик боловсруулаад гарсан ч тактикаа ашиглаж чадсангүй.

Э.Ариунболд энэ удаагийн ДАШТ-д 60кг жингийн хагас финалд Узбекистаны бөх Баратов Дилшобектэй тааран барилдаж ялалт байгуулснаар Алтан медалийн төлөө барилдахаар болсон. Харин алтан медалийн төлөөх барилдаанд  Э. Ариунболд нь Япон улсын бөх Такато Наохисатай өрсөлдөж ялагдал хүлээснээр эх орондоо мөнгөн медалийг авч байгаа юм.