Ж.Батзандан ахдаа тусламж хүсч Ерөнхийлөгчтэй уулзах хүсэлт хэд хэдэн удаа тавьжээ

УИХ-ын гишүүн асан Ж.Батзандангийн төрсөн ах ХХААХҮ-ийн дэд сайд Ж.Бат-Эрдэнийг Дарханы замын тендерийн асуудлаар АТГ-аас 48 цагийн хугацаатай саатуулсан билээ. 

УИХ-ын гишүүн асан Ж.Батзандан ахынхаа баривчилгааг Ерөнхийлөгч У.Хүрэлсүхтэй холбон тайлбарлаж, тэрбээр “У.Хүрэлсүх надад уурлахдаа Ж.Бат-Эрдэнийг баривчилж хүчийг үзүүлэв” хэмээн Ерөнхийлөгч явуулсан гэх чатыг нь дэлгэсэн. Тухайн чат нь Ерөнхийлөгчийнх нь мөн эсэх нь тодорхой бус байгаа ч Ж.Батзандангийн ахыг АТГ-аас шалгаж эхэлсэнтэй холбоотойгоор тэрбээр Ерөнхийлөгчтэй хэд хэдэн удаа уулзах хүсэлт тавьж, тусламж хүссэн байна. 

Хамгийн сүүлд хоёр хоногийн өмнө Ерөнхийлөгчийн утас руу “Дүү нь таньтай хамт шүү” гэх утгатай мессеж явуулж байсан талаар эх сурвалж мэдээллээ. Ж.Батзандангийн уулзах удаа дараагийн хүсэлтийг нь Ерөнхийлөгч хүлээн авахаас татгалзаж, асуудлыг хуулийн байгууллага нь шийдэг гэж хатуу байр суурийг илэрхийлсэн нь Ж.Батзандангийн уурыг ихэд хүргэсэн бололтой.