Хөгжлийн банкны 14 зээл бүрэн төлөгдөж, эргэн төлөлт 766,5 тэрбум боллоо

Хөгжлийн Банкнаас зээл авсан аж ахуйн нэгжүүдийн зээлийн эргэн төлөлт 766.5 тэрбум төгрөгт хүрсэн байна. 

Үүнээс бэлэн мөнгөөр 668.8 тэрбум төгрөгийн зээл, өмчлөх бусад үл хөдлөх хөрөнгөөр 97.7 тэрбум төгрөгийн зээл төлөгджээ. Түүнчлэн 14 зээл бүрэн төлөгдөж хаагдсан байна.

Хөгжлийн банк нь Олон улсын зээлжих зэрэглэл тогтоогч FitchRatings, Moody’s, Standard & Poor's Ratings services зэрэг байгууллагуудаар үнэлүүлдэг.

2022 оны 09 дүгээр сарын 30-ны өдрийн байдлаар Moody’s агентлаг Хөгжлийн Банкны зээлжих зэрэглэлийг "B3 тогтвортой" түвшинд хэвээр хадгалснаа мэдэгдсэн байна. 

Харин Fitch, S&P агентлагууд нь 8 болон 9 дүгээр саруудад ХБ-ны зээлжих зэрэглэлийг мөн адил хэвээр хадгалсан. Ингэснээр олон улсын нэр хүнд бүхий зээлжих зэрэглэл тогтоогч агентлагууд ХБ-ны зэрэглэлийг Засгийн газрын зэрэглэлтэй адил түвшинд үнэлсэн байна.