Тодруулга: Энэ жилийн есөн сарын байдлаар АИ92 шатахуун 100 мянган тонноор илүү хэрэглэжээ

АМГТГ-ын Газрын тосны бүтээгдэхүүний хэлтсийн дарга Д.Даваабаяраас шатахууны хэрэглээтэй холбоотой дараах мэдээллийг тодрууллаа.
ОХУ-аас иргэдийн урсгал нэмэгдэж байгаатай холбогдуулан шатахууны нөөцөд нөлөө үзүүлж байна уу?

-Манай иргэдийн автомашины тоо жил ирэх тутам нэмэгдэж байна. Сар бүр хэрэглээ нэмэгдэх хандлагатай байна. Нэгэнт импортоор орж ирж байгаа болохоор нийлүүлэлт нь хэрэглэж буй эрэлтээ гүйцэхгүй тохиолдол гарахыг үгүйсгэхгүй. АИ92 шатахууны хоног багассан нь долдугаар сард цаанаас ирэх үнэ тодорхойгүй байсантай холбоотойгоор захиалга худалдан авалт хоцорсон тал бий. 4,5,6 дугаар сард ОХУ-аас 25 хувийн хөнгөлттэй үнээр худалдаж авах хэлцэл хийсэн. Гэхдээ 7-р сард ирэхдээ шатахуун тухайн зах зээлийнхээ үнээр ирсэн. Харин сүүлд он дуустал 830 доллар болгож татан авалтаа хийх болсон учир цаашид нөөц хэвийн, тасалдахгүй. 
9-р сард хэр хэмжээний шатахууны нөөц гаргасан бэ?
- Бид есөн сард 44533 тонн шатахуун хэрэглэсэн. Хэрэглээг харвал 6,7 сард өндөр хэрэглээтэй байдаг. Энэ жилийн тухайд шатахууны импорт, хэрэглээ 100,000 тонноор илүү байна. Өнгөрсөн 2021 оны 9 сард 332,689 тонн АИ92 бензин хэрэглэсэн бол энэ жилийн 9 сард 431,801 тонн АИ92 бензин хэрэглэчихсэн байна.