Монгол охидын биеийг үнэлүүлсэн Сингапур иргэний байрлаж байсан буудал ил боллоо

Монгол эмэгтэйчүүдийн биеийг үнэлүүлж байсан 64 настай Сингапур улсын иргэнийг өнгөрөгч сарын 29-ны өдөр байрлаж байсан буудлаас нь дайчлан баривчилсан билээ. Тухайн үед албаныхан өгсөн мэдээлэлдээ Баянгол дүүрэгт үйл ажиллагаа явуулдаг нэр бүхий зочид буудлаас дайчлан баривчилж, мөрдөн шалгах ажиллагаа явуулж буйг мэдээлсэн. 

Тэгвэл тухайн буудал нь БГД, 4-р хорооллын дунд зам дагуу байрлах "BKH" нэртэй буудал байжээ.  Тус буудал нь дотроо караоке, пабтай юм байна. 7.8,9 давхарт нь буудал ажилладаг бөгөөд 22 өрөөний сонголттой. 

Хэргийн газраас гар утас, зөөврийн компьютэр, IPad, зөөврийн хатуу диск, мемори карт, флаш диск зэргийг тус тус хураан авчээ.

64 настай Сингапур улсын иргэн нь 2013 оноос эхлэн Монгол Улс, Сингапур Улсын хооронд аялал жуулчлалын визээр зорчдог байсан, Монгол Улсад байх хугацаандаа эмэгтэйчүүдийг зуучлуулж танилцан бэлгийн хүчирхийлэлд оруулах, хувь хүний нууцтай холбоотой дүрс бичлэг, гэрэл зургийг нь авч, хувь хохирогчдыг айлган сүрдүүлдэг, гадаад улсын иргэнтэй үгсэн тохиролцож бэлгийн харьцаанд орсон охид, эмэгтэйчүүдийн биеийг нь үнэлүүлэх, бэлгийн мөлжлөгийн хохирогч болгон хүн худалдаалах гэмт хэрэг үйлдсэн байж байж болзошгүй нөхцөл байдал тогтоогдсон.

Одоогийн байдлаар 130 гаруй охид, эмэгтэйчүүдтэй фэйсбүүк инстаграммаар харилцаж, гадаад улс руу зохион байгуулалттайгаар хил дамнуулан тодорхой тооны охидыг худалдаалсан байж болзошгүй нөхцөл урьдчилсан байдлаар тогтоогдож мөрдөн шалгах ажиллагааг үргэлжлүүлж байна.