БШУЯ: МУИС-ийн нэрийг МҮИС болгон өөрчилнө гэдэг ташаа мэдээлэл

Монгол Улсад дээд боловсролын тогтолцоо үүсэн бий болсны 80 жилийн ойн баярын хурал төрийн ордонд болж байна. 

Хурлын үеэр Боловсрол, Шинжлэх Ухааны сайд Л.Энх-Амгалан энэ ондоо багтаж, Монгол Улсын Их Сургууль(МУИС)-ийн нэрийг Монголын Үндэсний Их Сургууль(МҮИС) болгон өөрчилнө гэж хэлсэн гэх мэдээлэл олон нийтийн сүлжээнд гараад байгаа. Тэгвэл уг мэдээлэл ташаа болохыг БШУЯ-наас мэдэгджээ.

Боловсрол шинжлэх ухааны сайд Л.Энх-Амгалан: МУ-д орчин цагийн ШУ-ны тогтолцоо үүссэний 80 жилийн ой болж байна. Энэ түүхийг МУИС ч бичиж үлдээсэн. 1992 онд Ардын их хурлаар МҮИС гэдэг нэр МУИС-д олгогдсон. Монголын Үндэсний их сургууль гэдэг нэр бол Монгол Улсын их сургуулийн оюуны өмч. МУИС-ийн өнгөрсөн 80 жилийн туршлага ололтоор бичигдсэн түүх. Хэн нэгэн этгээдэд МҮИС гэдэг нэр ашиглагдаж болохгүй. Энэ нэр бол МУИС-д хадгалагдаж үлдэх ёстой. Маргаан олон жил үргэлжилж МУИС-аас гаргасан оюуны өмчийн маргаан дээр МУИС ялсан. Тиймээс МҮИС гэдэг нэр МУИС дээр буцаж хадгалагдах эрх үүсч байна гэж үзэж болно. Одоогийн МҮИС гэдэг сургууль нэрээ яаж өөрчлөх нь тухайн бизнесийн байгууллагын эрх.