Г.Занданшатар: “Итгэлийн зээл”-ийг хуульчилж эхний ээлжид мод, хүнсний ногоо тариалах иргэдийг хамруулна

УИХ-ын намрын чуулган нээлтээ хийх үеэр УИХ-ын дарга Итгэлийн зээл олгох асуудлыг хуульчилна гэлээ. Тодруулбал тэрээр“Орлого багатай буюу тогтмол бус орлоготой, аж ахуй эрхлэх, амьжиргаагаа өөд татах эрмэлзэл байвч, барьцаа хөрөнгөгүйн улмаас зээл авч чаддаггүй иргэд олон бий. Ийм хүмүүс, аж ахуйн нэгжүүдэд зориулсан “Итгэлийн зээл”-ийг хуульчилж, төрийн санхүүжилтээр дэмжих зайлшгүй шаардлага байна. Хөдөө аж ахуйн үйлдвэрлэл эрхэлж, хүнсний ногоо, мод тариалах мэт өрхийн бизнесийг эхний ээлжид “Итгэлийн зээл”-д хамруулахаар Монголбанк мөнгө зээлийн бодлого боловсруулж байна” гэлээ.