Хан-Уул дүүргийн Эрүүл мэндийн төв 1984 оноос хойш анх удаа өргөтгөлийн барилгатай болно

Хан-Уул дүүргийн Эрүүл мэндийн төвийн барилга 1984 онд 40-50 мянган иргэний хүчин чадалтай баригдсан байдаг. Тус ЭМТ-ийн барилга олон жил засвар үйлчилгээ хийгдээгүй иргэд үйлчилгээ авахад хүндрэлтэй байсан асуудлыг дүүргийн төсвийн хөрөнгөөр энэ жид гадна, дотно засвар, тохижилтын ажлыг эхлүүлээд байна. 

Иргэд үйлчилгээ авахад хөнгөн хялбар болгож, тус барилгын гадна талбайд иргэнд ээлтэй эко
орчинг бий болгоно. Мен дотор засалд давхар их засвар хийж, иргэд эрүүл мэндийн үйлчилгээг түргэн шуурхай авч, цэвэр орчинд үйлчилгээ авах нөхцөлийг бүрдүүлэхээр ажиллаж байна.

Энэ тухай  ХАН-УУЛ ДҮҮРГИЙН ИТХ-ЫН ДАРГА Г.БАТСАЙХАН: Төрийн үйлчилгээг иргэддээ чирэгдэлгүй тухтай орчинд хүргэх үүднээс уг ажлуудыг эрчимжүүлээд байна. Хүн амын төвлөрлөөс шалтгаалан бүх шатны үйлчилгээний ачаалал нэмэгдсэн. Дүүргийн төсвийн санхүүжилтээр иргэдийн нэг цэгийн үйлчилгээний талбайг шинэчилж, мөн гадна талбай, эмнэлэг, цэцэрлэг гэх мэт томоохон ажлуудыг эхлүүлээд байна" гэв. 

15 дугаар хороонд Нийслэлд жишиг ӨЭМТ-ийн цогцолбор барина

Түүнчлэн ХУД-ийн 15 дугаар хороонд ӨЭМТ-ийн цогцолбор барилгыг барих газрын асуудлыг шийдвэрлэж оны дараа барилгын ажлыг эхлүүлэхээр төлөвлөжээ. Хан-Уул дүүргийн Засаг даргын "Эко-Эрүүл дүүрэг” хөтөлбөрийн хүрээнд эхний байдлаар дүүргийн дөрвөн хорооны ӨЭМТ-ийн нийслэлд жишиг эмнэлэг барьжбайгуулахаар төлөвлөгөөндөө тусгасан. Энэ ажлын эхлэл болгож дээрх ажил хийгдэх юм.