ХУД-ийн хоёрдугаар хорооны хүүхдүүд стандартад нийцсэн тоглоомын талбайтай боллоо

ХУД-ийн хоёрдугаар хорооны 7,8 дугаар байрны арын даланг тохижуулж, стандарт нийцсэн тоглооомын талбайг ашиглалтад орууллаа. Хан-Уул дүүргийн Засаг даргын 2021-2024 оны "Эко-Эрүүл дүүрэг" хөтөлбөрийн хүрээнд дүүргийн нутаг дэвсгэрийн нийтийн эзэмшлийн талбай, орон сууц, гэр хороололд нийт 16 тоглоомын талбайг шинээр барьж байгуулна. Энэ ажлын эхлэл болж ХУД-ийн 2 дугаар хорооны 7,8 дугаар байрны арын даланг ногоон байгууламжтай эко хүүхдийн тоглоомын талбайг дүүргийн төсвийн хөрөнгөөр ашиглалтад орууллаа. 

 Уг ажлыг дүүргийн төсвийн хөрөнгө оруулалтаар 550 сая орчим сая төгрөгт байгуулжээ

ХАН-УУЛ ДҮҮРЭГТ ЭНЭ ЖИЛ 16 ШИРХЭГ ТОГЛООМЫН ТАЛБАЙ АШИГЛАЛТАД ОРНО

Тус талбайд стандарт нийцүүлэн Эко гэрэлтүүлэг, камержуулалттай явган хүний зам, теннис, сагсан бөмбөгийн талбай, чийрэгжүүлэлтийн тоног төхөөрөмж, сандал, сүүдрэвч, авто машины зогсоол зэрэг тохижилтыг цогцоор нь шийдэж, даланг сайжруулсан эко хавтангаар бүрж тохижуулсан. Тус байршил нь хөгжлийн бэрхшээлтэй иргэд ихээр зорчдог хэсэг бөгөөд тусгай хэрэгцээт иргэдэд зориулсан тохижилттой, хүүхэд, залуучууд чөлөөт цагаа зөв боловсон өнгөрүүлэх боломж нөхцөлийг бүрэн хангаж өгсөнөөрөө онцлог юм.

 Түүнчлэн Хан-Уул дүүргийн нийтийн эзэмшлийн талбайд "Утасгүй интернэт” үйлчилгээг нэвтэрүүллээ Хан-Уул дүүрэг цахим дүүрэг болох зорилтын хүрээнд дүүргийн нутаг дэвсгэрийн нийтийн эзэмшлийн гудамж, талбай, цэцэрлэгт хүрээлэн зэрэг иргэд олноор цуглардаг газарт утасгүй интернэт үйлчилгээг нэвтрүүлж эхэллээ. Эхний байдлаар дүүргийн 2 дугаар хорооны 7,8-р байрны хүүхдийн тоглоомын талбай, 14 дүгээр хороонны цэцэрлэгт хүрээлэнд тус тус байршуулсан. Цаашид хүүхэд, залуучууд олноор цуглардаг талбайд утасгүй интернэтийг үе шаттай суурилуулах бөгөөд Богдын музейн цэцэрлэгт хүрээлэн, 4 улиралын цэцэрлэгт хүрээлэнд тус тус байршуулахаар бэлтгэл ажлыг хангаад байна.