Үр дүнтэй ажиллаж байгаа багш нарын 43 хувь нь урамшуулал цалингаа авчээ

Боловсролын салбар энэ оноос эхлэн төсвийн шинэчлэлтийг хийсэн. Өмнө нь зөвхөн цалин, урсгал зардал гэсэн хоёр төрлийн төсвийн эх үүсвэртэй байсан бол энэ жилээс эхлэн урамшууллын тогтолцоог бий болгосон.

Энэ сард нийт багш нарын 43 хувь нь үр дүнд суурилсан урамшууллаа авсан гэж Боловсролын ерөнхий газрын дарга Т.Ням-Очир хэллээ. 

Үр дүнгээ тооцуулдаггүй, шалгуур нь тодорхой бус хавтгайрсан үр дүнгийн урамшуулал авдаг байсныг өөрчлөөд байгаа. Багш нарын хамгийн доод цалин 1,050,000 төгрөгөөс эхэлдэг болоод байна.

Үндсэн суурь цалин дээр гүйцэтгэлийн урамшуулал авах юм. 

Улсын хэмжээнд нэгдүгээр түвшин буюу хамгийн өндөр гүйцэтгэлтэй 947 багш байна. Хоёрдугаар түвшинд 2,982, гуравдугаар түвшинд 3,351, дөрөвдүгээр түвшинд 5,016, тав болон зургаадугаар түвшинд 17 мянган багш байгаа аж.