Олон улсад хийсэн судалгаагаар 5-11 насны хүүхдэд вакцины хамгаалах чадвар 90.7 хувь байна

Хүүхдийг коронавируст халдвар (КОВИД-19)-ын эсрэг "Комирнэти" (BNT162b2) вакцинаар дархлаажуулах шийдвэр гарсантай холбогдуулан 5-11 насны хүүхэдтэй эцэг эх, асран хамгаалагчдыг өнөөгийн нөхцөл байдал, хүүхдийнхээ эрүүл мэндийн байдлыг үнэлж вакцинд хамруулах эсэх шийдвэрээ гаргахад зориулан нотолгоонд суурилсан мэдээллийг хүргэж байна.

Коронавируст халдвар (КОВИД-19)-ын эсрэг вакцин нь 5-11 насны хүүхдэд аюулгүй, үр дүнтэй болох нь батлагдсан. Тухайлбал олон улсад хийсэн судалгаагаар 5-11 насны хүүхдэд вакцины хамгаалах чадвар 90.7 хувь байв.