НЭМГ-ын хамт олон Рухэй Камэйд талархал илэрхийлж, хүндэтгэл үзүүллээ

Нийслэлийн Эрүүл мэндийн газрын хамт олон Сириус компанийн захирал Рухэй Камэйд Монгол Улсын Ерөнхийлөгч Ухнаагийн Хүрэлсүхийн зарлигаар “Алтангадас” одон хүртсэнд баяр хүргэхийн зэрэгцээ ковидын хүн цаг үед тусалж дэмжлэг үзүүлж байсанд талархал илэрхийлж, хүндэтгэл үзүүллээ.

Рухэй Камэй нь Ковид цар тахлын ид үед Япон-Монголын найрамдалт харилцааны бэлгэдэл болж мөнгөөр үнэлэх аргагүй тусламжийг нийслэл төдийгүй хөдөө орон нутагт үзүүлсэн нь олон зуун мянган хүний амь нас эрүүл мэндийг хамгаалахад чухал нөлөө үзүүлсэн билээ. Мөн Нийслэлийн Эрүүл мэндийн газрын харьяа эрүүл мэндийн байгууллагуудад 500 ширхэг 1 тэрбум орчим төгрөгийн үнэтэй вирус устгагч Virus Washer төхөөрөмж бэлэглэсэн юм.

Эрхэм хүндэт Рухэй Камэй танд Монгол-Япон улсын хооронд дипломат харилцаа тогтоосны түүхт 50 жилийн ой, Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын мэнд дэвшүүлье. Сайхан Монгол эх оронд минь тавтай морилон саатаарай.
Дэлгэр Монгол түмэнтэй минь хамт дэнж хотойтол сайхан наадаарай.