ЦЕГ:ОХУ-ын иргэн Монгол Улсын иргэний толгойг алхаар цохиж гэмтээсэн хэргийг шалгаж байна

ОХУ-ын иргэн Д Монгол улсын иргэн Г-гийн дагзан тус газар алхаар олон удаа цохиж маш хүнд гэмтээсэн хэргийг бид мэдээлсэн. Уг хэргийн талаар ЦЕГ-аас дараах мэдээллийг өгч байна. 

2022 оны 09-р сарын 25-ны 00:30 цагт БГД-ийн ... дугаар тоотод "Нэг орос хүн цагдаа, түргэн дуудаад өгөөч гээд байна" гэх дуудлагыг шалгахад "Оросын холбооны улсын иргэн “Д” хил дээр танилцсан Монгол Улсын иргэн “А”-н гэрт түрээс төлж амьдрахаар 2022.09.24-ний өглөө 09 цагт ирсэн байна. Энэ өдөр “А”, “Д” нар нь тус байрны тоотод оршин суух “Г”-ийн гэрт орж хамт согтууруулах ундааны зүйл хэрэглэсэн бөгөөд улмаар Монгол Улсын иргэн “Г”, ОХУ иргэн “Д” нар муудалцаж “Д” нь иргэн “Г”-ын толгойн дагзан тус газар алхаар гэмтэл учруулсан хэргийг БГД-ийн ЦГ үргэлжлүүлэн шалгаж байна" гэлээ.

Хэрэг үйлдсэн этгээд болох ОХУ-ын иргэн Д нь 2022 оны 09 дүгээр сарын 22-23-ны өдөр Монгол Улсын хилээр нэвтэрсэн байна.