Ж.Энхжаргал: Lil Pump тоглолтоо дуусгаад үүрээр ниссэн, уг бичлэг Монголд хийгдсэн гэсэн мэдээлэл байхгүй

Өнгөрөгч наймдугаар сарын 19-нд болсон "Хуур" фестивальд уригдан оролцсон дуучин Lil Pump нэгэн эмэгтэйн хамт буй бичлэг твитерт байршиж, улмаар олон нийтийн анхаарлыг татаад буй. Тэгвэл уг фестивалийг зохион байгуулсан "BRB" компаниас мэдээлэл хийлээ. 

Тус компанийн захирал Ж.Энхжаргал "Наадам наймдугаар сарын 19-нд болж шөнийн 02:00 цагт дуусах хуваарьтай байсан ч бид наадыг 12:40-д зогсоосон. Миний бие болоод зохион байгуулалтын баг бүгд үлдэж 03:00 цаг хүртэл ажилласан. Дуучин Lil Pump үүрээр ниссэн. Тоглолт дууссанаас нисэх хүртэл хугацаанд юу болсныг бид хэлж мэдэхгүй. Уг бичлэгийн талаар болон ийм үйл явдал болсон гэх талаарх мэдээллийг бид та бүхэнтэй адил өчигдөр л мэдэж артестийн багтай холбогдсон. Багийнхны бидэнд өгсөн мэдээллээр "Тухайн эмэгтэйг Монгол улсын иргэн болон Монгол улсыг доромжилсон ямар нэгэн мэдээлэл бичээгүй. Бичлэг Монголд хийгдсэн тухай ч хэлээгүй. Артестийн хувьд ийм төрлийн бичлэг хийж сошиалд хандалт авдаг. Угтаа бичлэг, зураг устгадаггүй ч бидний тавьсан хүсэлтийг хүлээн авч урьд шөнө устгасан. Хэн нэгний нэр хүндийг үндэслэлгүйгээр гутаан доромжилж, таамаг дэвшүүлж болохгүй. Хэрвээ уг бичлэг нотлогдвол үнэхээр харамсалтай байх болно. Хуулийн байгууллагатай хамтран ажиллахад бэлэн " гэлээ.