Төр оролцохгүй бизнесүүдийг зарлалаа

Засгийн газрын өнөөдрийн ээлжит хуралдаанаар төрийн болон хувийн хэвшлийн хариуцаж гүйцэтгэх чиглэлийг тодорхой болгожээ. Тодруулбал, хувийн хэвшил, мэргэжлийн төрийн бус байгууллагаар гүйцэлдүүлэх ажил, үйчилгээний талаар авах зарим арга, хэмжээний тогтоолыг төслийг Засгийн газраас баталлаа. "Төр хувийн хэвшилтэй өрсөлдөж, тодорхой түвшний бизнесийг эрхлэх ёсгүй юм" гэдгийг ЗГХЭГ-ын дарга Д.Амарбаясгалан тодотголоо.

Төр стратегийн ач холбогдолтой  ажлыг хариуцна

• Эрчим хүчээр хангах үйл ажиллагаа 
• Ус дулаан,
• төмөр зам
• стратегийн шинжтэй уул уурхайн төсөл гэх мэт

Төр оролцох шаардлагагүй хувийн хэвшил гүйцэтгэх чиглэл

• Сургууль, цэцэрлэгийн хүнс хангамжийн байгууллагууд,
• Гэрэлтүүлэг, чимэглэл, цэцэрлэгжүүлэлтийн байгууллага
• Тохижжилт үйлчилгээний газруудын зарим чиг үүрэг
• Төрийн өмчийн байруудын ашиглалт үйлчилгээ
• Төрийн байгууллага, төрийн өмчит хуулийн этгээдүүдийн дэргэдэх оёдлын цех, хэвлэх үйлдвэр гэх мэт 

Энэ талаар ЗГХЭГ-ын дарга Д.Амарбаясгалан хэлэхдээ "Төр хувийн хэвшилтэй өрсөдөж, тодорхой түвшний бизнесийг эрхлэх ёсгүй юм. Төрийн зүгээс эрхлэх шаардлагагүй хэд хэдэн бизнесүүд байдаг.  Старатегийн ач холбогдол бүхий томоохон улсын үйлдвэрүүдийн газрын ажлын төр хариуцах нь тодорхой. Нөгөө талдаа хувийн хэвшил авч явах боломжгүй, ашиггүй бизнесийг төр авч явах шаардлага гардаг. Төрийн зүгээс эрхлэх шаардлагагүй ажлууд гэвэл сургууль цэцэрлэгийн хүнс хангамжийн үйлчилгээг төр эрхлэх шаардлагагүй. Харин мэргэжлийн хувийн хэвшлийн өндөр шаардлагыг хангасан байгууллагууд эрхлээд явах боломжтой. Тохижилт үйлчилгээний газруудын зарим чиг үүргийг хувийн хэвшлээр гүйцэтгүүлж байх шаардлага байна. Мөн гэрэлтүүлэг, чимэглэл, цэцэрлэгжүүлэлтийн байгууллагууд, төрийн өмчийн байруудын ашиглалтын асуудал гэх мэт бизнесүүдийг богино хугацаанд тодорхой болгож энэ ондоо багтааж бүгдийг нь цэгцэлнэ" гэлээ.